MONASMI

გომბრიხი ისტორიის შესანიშნავი აღმწერია, ამიტომ იგი ჩემთვის ერთ-ერთ საუკეთესო ავტორს წარმოადგენს დოკუმენტური მწერლობის ჟანრში. წიგნში გასაგებ ენაზე გაეცნობით ხელოვნების ისტორიას გამოქვაბულის მხატვრობიდან ნიუ-იორკის თანამედროვე გალერიებამდე.

"ხმაურიანი საღებავის ყუთი" რამოდენიმე წიგნიანი სერიაა, რომელთა შექმნაც ახლაც გრძელდება.  როზენსტოკმა ამ წიგნით პულიცერის პრემია მოიპოვა. სურათზე გამოსახულია სერიის ერთ-ერთი ნაწილი " კანდისკის აბსტრაქციის ფერები და ხმები", რომელიც ჩემი ფავორიტია.  ამ საბავშვო წიგნში, რომელსაც უფროსებიც სიამოვნებით კითხულობენ, თქვენ გაეცნობით მხატვრის ბიოგრაფიას და ჩასწვდებით აბსტრაქციის არსს.

ბლოგის წერის პროცესში ბევრი ენციკლოპედია გამოვიყენეთ. ჩვენი ფავორიტი ახლახანს ნათარგმნი ხელოვნების ენციკლოპედიაა, რომელიც გასაოცრადაა ილუსტრირებული და საინტერესო ინფორმაციითაა სავსე.

არა მარტო საუკეთესო ბიოგრაფია, არამედ ერთ-ერთი საუკეთესო წიგნი, რომელიც ბოლო წლებში წამიკითხავს. უორჰოლის ბიოგრაფია სავსეა დრამატული მოვლენებით, რომელსაც ფონად პოპ არტის და ავანგარდიზმის სიმშვენიერე ადევს.

"იმპრესიონიზმი ტრიუმფი" ტრიუმფალური სერიაა.  დეივიდ ვილდეშტეინი აღწერს იმპრესიონიზმის როლს თანამედროვე ხელოვნებაში და განსხვავებულ სინათლეში წარმოგვიდგენს მონესა და ვან გოგს. სამწუხაროდ პირადად მხოლოდ "მონე" მაქვს წაკითხული, რადგან წიგნები საქართველოში არ იშოვება.

იტალიელის დაწერილი წიგნი ავსტრიელ მხატვარზე და რათქმაუნდა, როგორ შეიძლება გამოგვრჩეს, მის კატაზე. ბიოგრაფია, ილუსტრაციები, მონაკვეთები, კატა... აი, რას უნდა ელოდოთ წიგნისაგან. სამწუხაროდ, წიგნი ქართულად არაა გამოცემული, მაგრამ მისი ნახვა შეგიძლიათ საჯარო ბიბლიოთეკაში ინგლისურ ენაზე. 

კიდევ ერთი წიგნი, რომელსაც ქართულ მაღაზიებში ვერ შეხვდებით, მაგრამ მადლობა ინტერნეტს, მასზე ბევრი გავიგე და ნახევარი ჩემი იტალიელი მეგობირს მიერ გაზიარებული სურათებიდან მაქვს წაკითხული.  პიკასოს, მანეს, დეგას, მატისის, პოლოკის, კუნინგის, ფროიდისა და ბეკონის ამაღელვებელი დრამატიზმით სავსე ცხოვრება, რომელიც არც ერთი ბრონტე დის მიერ დაწერილ რომანს არ ჩამოუვარდება მოვლენების განვითარების მოულოდნელობით. ალბათ, სწორედ ამიტომ აიღო სმიმ პულიცერის პრემია.