MONASMI

   კუბიზმი ავანგარდული ხელოვნების მნიშვნელოვანი და გავლენიანი მიმართულებაა,რომელმაც დიდი გადატრიალება მოახდინა ხელოვნებაში.მან უარყო ფერწერაში საუკუნეების მანძილზე ჩამოყალიბებული ფორმისა და კომპოზიციის აგების პრინციპები,რომლებიც ემსახურებოდა რეალური ობიექტების და სივრცის სურათზე ზუსტად ასახვას.კუბისტურ ნამუშევრებში, ობიექტები დაშლილია, ანალიზირებული და ხელახლა აწყობილი აბსტრაქტულ ფორმაში.ეს სრულიად ნოვატორული მიდგომა იყო,რამაც ახალი ტიპის მხატვრული აზროვნება დაამკვიდრა.

   კუბიზმს საფუძველი მე-XX საუკუნის 20-იანი წლების საფრანგეთში ჩაეყარა.  ამ პერიოდის საფრანგეთი, თანამედროვე ხელოვნების მექა იყო.  იქ ჩადიოდნენ მხატვრები სხვადასხვა ქვეყნებიდან და ცდილობდნენ ხელოვნებაში საკუთარი კვალი ახალი სიტყვით, ახალი ხედვით, ახლებურად გადმოცემული ვიზუალური ხელოვნებით დაეტოვებინათ.ამ იდეით გამსჭვალული ორი ხელოვანი: პაბლო პიკასო(Pablo Picasso, 1881-1973) და ჟორჟ ბრაკი(Georges Braque, 1882-1963) 1907 წელს გაიცნობენ ერთმანეთს .1908 წლისთვის პარიზში მათ უკვე ერთობლივად,ერთ სახელოსნოში დაიწყეს მუშაობა სადაც ცდილობდნენ ჩამოეყალიბებინათ ახალი მხატვრული სტილი.კუბიზმის დაბადების თარიღად  1908 წელია მიჩნეული.  პიკასოს და ბრაკის  ერთობლივმა მუშაობამ პირველი მსოფლიო ომის დაწყებამდე  1914 წლამდე გასტანა.ერთმანეთის გვერდიგვერდ მოღვაწე შემოქმედთათვის, კუბიზმი ის ათვლის წერტილი აღმოჩნდა, რომელმაც მათ თანამედროვე ცხოვრებაზე საკუთარი აზრის გამოთქმისა და იმ გზების ძიების საშუალება მისცა, რომლითაც ხელოვანნი აღითქვამდნენ და გადმოსცემდნენ მათ გარემომცველ სამყაროს.